निर्देशक दिनेश सिंह ठकुरीको निर्देशनमा तयार हुँदै गरेको चलचित्र ‘स्मोकी सिटी’ को हाल राजधानीको बिभिन्न स्थानहरुमा छायांकन भईरहेको छ । आधुनिक शहरमा हुने गरेका घटनाहरुलाई समेटेर तयार पारेको कथामा सुशिल क्षेत्री र रबिना खड्काको जोडी देख्न सकिन्छ । फिल्म भित्र सुशील क्षेत्रीले अपराधी तह लगाउने युवकको भूमिकामा अभिनय गरिरहेको छन् । हाल फिल्मको द्धन्द्ध दृश्यको छायांकन चलिरहेको छ । सन्तोष ढकाको कथामा तयार हुँदै गरेको यस चलचित्रलाई दिपक सिंह साउदले निर्माण गरेका हुन् ।
शुशिल क्षेत्री, सुरज आरडी, आदित्य श्रेष्ठ, सुरज महर, सुरविर पण्डित, कुमार योगी र विना खड्का, अनिता खत्री, कृपा लामा लगायतको अभिनय रहेको यस चलचित्रमा विनोद सापकोटाको छांयाकन, निरज कुमारको संगीत, सुधिर श्रेष्ठ सरकारको नृत्य, राजेन्द्र चौधरी आरसीको द्धन्द रहनेछ । चलचित्र “शितको थोपा“ पछि दिनेश सिंह ठकुरीले ‘स्मोकी सिटी’ निर्माण गर्न लागेका हुन् ।
निर्देशक दिनेशले फिल्म सहरमा हुने अपराधमा केन्द्रित रहेको बताए । “शहरमा हुने गरेको सबै किसिमको विषयवस्तुलाई समेटेर चलचित्र बनाएको हुँ । कथाको प्ष्ठभूमि चै अपराध छ“निर्देशक ठकुरीले बताए । भूकम्पको प्रभाव पछि चलचित्र क्षेत्रलाई अझ सक्रिय बनाउन चलचित्र क्षेत्रमा आएको व्यवसायी रहेका निर्माता साउदले बताए । चलचित्रलाई काठमाडौं उपत्यकाका अलवा राजधानी बाहिर पनि छांयाकन गरिनेछ ।
