दिवाकर भट्टराईको निर्देशनमा बनेको फिल्म 'ऐश्वर्य' रिलिज तय भएको छ । भट्टराईले दिएको जानकारी अनुसार फिल्म २०७४ को तिहारको छेकोमा रिलिज हुनेछ ।
दशैंमा रिलिजको चर्चाका बीच फिल्म तिहारलाई सरेको हो । दिपकदीपाको 'छक्का पञ्जा २' दशैंमा आउने भएपछि सहमतीमै रिलिज कार्तिक १ लाई सारिएको भट्टराईले बताए । कार्तिक १ गते बुधबारको दिन 'कुकुर तिहार' पर्छ । ४ गते परेको भाईटिकामा भने शनिबार परेको छ ।
फिल्ममा अभिनेता रमेश उप्रेती र दीपिका प्रसाईं लिड अभिनयमा छन् । दीपिकाको लागी यो फिल्म डेब्यू हुनेछ । उनले फिल्ममा सुपर मोडलको रुपमा काम गरेकी छिन् । त्यसो त फिल्मका निर्माता पनि उप्रेती नै हुन् ।
वैष्णोदेवी फिल्मको ब्यानरमा बनेको फिल्ममा प्रसान्त ताम्राकार पनि लिड अभिनयमा छन् । राजेश श्रेष्ठले खिचेको फिल्ममा अर्जुन पोखरेलको संगीत छ ।
