पछिल्लो समय निर्माण पुर्व नै फिल्मको रिलिज तय गर्ने होडबाजी फिल्मकर्मीमा चलेको छ । आफु अनुकुलको रिलिज मिति 'रिजर्भ' गर्नकै लागी पनि फ्लोरमा जानुपुर्व नै अधिकांश फिल्मले रिलिज तोक्दै गर्दा यो भीडमा रेखा फिल्मस् को निर्माणमा बन्ने फिल्म 'रुद्रप्रिया' पनि थपिएको छ ।
.jpg)
अभिनेत्री रेखाले आफु नै लिड अभिनयमा रहने फिल्म तिहारको छेकोमा आगामी कार्तिक २ मा रिलिज हुनेछ । यो मितिमा शनिबार मात्र रमेश उप्रेतीको फिल्म 'ऐश्वर्य' रिलिजको समाचार फिल्मीखबरले बाहिर ल्याएको थियो ।
दशैंमा आउने चर्चाका बीच तिहारमा रिलिज सरेको बारेमा स्पष्ट पार्दै रेखाले प्रि प्रोडक्सनको काम नसकिएको तथा गीतसंगीत देखि स्कृप्टलाई बेष्ट बनाउनमा लागेकोले काम नसकिने देखिएर रिलिज धकेलेको तर्क गरिन् । फिल्मलाई सुदिप भुपाल सिंहले निर्देशन गर्नैछन् ।
'रुद्रप्रिया'मा रेखा थापासँगै अर्पण थापा र सुदर्शन थापा लिड अभिनयमा रहने बताईएको छ । सञ्जय लामाले फिल्म खिच्नेछन् । फिल्मलाई मोफसलमा एफडी कम्पनि र काठमाण्डौंमा गोपाल काजी कास्यथले वितरणको जिम्मा लिएका छन् ।
