चकलेटी ब्वाई पल शाह र आँचल शर्मा स्टारर फिल्म 'जोनी जेन्टलमेन'को पहिलो गीत रिलिज भएको छ । आईतबार युट्युव मार्फत ईन्टरनेट रिलिज गरिएको गीतले प्रेमभाव बोल्छ । जहाँ पल र आंचल फिचरिङमा छन् ।
'तिमी बिना मान्दैन...' बोलको गीतमा शब्द, संगीत तथा स्वर हर्कुलस बस्नेतको छ । संगीतमा हर्कुलसलाई व्रिजेश श्रेष्ठ र स्वाचित शाक्यले साथ दिएका छन् । सुन्दर लोकेशनमा खिचिएको गीत आकर्षक देखिएको छ । कोरियोग्राफी केशव थापा र सरिता रञ्चालको छ । फिल्म जेठ १९ मा रिलिज हुनेछ ।
नितिन चन्दको निर्देशनमा बनेको फिल्मका निर्माता एण्ड्रियू पौडेल हुन् ।
