'पछिल्लो समयको सर्वाधिक व्यस्त अभिनेतामा तपाईंको नाम लिईयो भने स्विकार्नुहुन्छ ?' पछिल्ला रिलिज केहि फिल्मको प्रमोशनमा समेत नलागेर एकपछि अर्को फिल्मको छायांकनमा व्यस्त बनेका निखि उप्रेतीलाई फिल्मीखबरकर्मीले गरेको प्रश्न हो यो ।
पछिल्ला रिलिज फिल्म 'किङ' अनि 'निर्भय'को प्रचारमा नहिँडेको भन्ने आरोप खेलेका निखिलले आफुलाइ निर्माता निर्देशकले प्रचारको 'स्टाटेजी' नबताएको अनि सोहि प्रकारले नखोजेको कारण नै प्रचार प्रसारमा नहिँडेको जिकिर गरे । अनि व्यस्त अभिनेता भन्ने प्रश्नमा भने उनले आफ्नो जीन्दगी व्यस्त नभई अस्तब्यस्त रहेको बोले ।
उनको जीन्दगी के कारणले अस्तव्यस्त बन्यो त्यो थाहा पाउन यो भिडियो हेर्नुहोसः
फिल्मीखबरसँगको कुराकानीमा 'राधे' फिल्मको प्रमोशनमा भेटिएका निखिलले यो फिल्मलाई आम फिल्म भन्दा फरक दाबी गरे । लोकतन्त्र आएको लामो समयसम्म पनि २०६२, ०६३ को जनयुद्ध ताका वेपत्ता पारिएका नागरिकहरु अहिलेसम्म पनि खोजि नभएको र भेटिएकाले पनि आफ्नो परिचय निर्धक्क देखाउँदा समेत सम्मानजनक व्यवहार नपाएको कथा वरीपरि फिल्म घुमेको उनको तर्क छ ।
प्रियंका कार्कीलाइ निकै मेहनती अनि अभिनयमा राम्रो दख्खल राख्ने अभिनेत्री बोलेका उनले पछिल्लो पुस्ताका अभिनेत्रीहरुलाई 'अपडेट भर्सन' को संज्ञा दिए। टेक्नोलोजीको जमानामा नयाँ जोश र नयाँ प्रयोगको ज्ञान पछिल्लो पुस्ताका कलाकारमा भेटेको उनको तर्क छ । यी अनि यस्तै विषयवस्तुका वरीपरी रहेर निखिलसँग गरिएको कुराकानी भिडियोमा हेर्नुहोस ।
