प्रेमकथा बोल्ने फिल्म 'मेला'को सम्पुर्ण छायांकन सकिएको छ । निर्देशक वसन्त निरौलाले फिल्ममा समावेश एक गीतको मा छायांकन गरिएसँगै फ्लोरको सबै काम सकिएको बताए ।
.jpg)
फिल्मको एक गीत बाहेकको सबैजसो छायांकन विरगंज र हेटौंडामा गरिएको थियो । ३५ दिनमा सबै छायांकन सकिएको निर्देशक निरौलाले बताए ।
दुई दिन पहिले 'यो मुटुमा तिम्रै बास..' बोलको गीत खिच्न निर्माण टिम तथा कलाकार सहितको टोली मुडे पुगेको थियो । उक्त गीतको लागी लिड अभिनेता आमेश भण्डारी र अभिनेत्री अशिष्मा नकर्मीले दृश्य दिएका छन् । पवित्रा आचार्यले कोरियोग्राफी गरेकी छिन् ।
अभिनय यात्रा चल्दै गर्दा अभिनेत्री पवित्राले 'मेला' मार्फत कोरियोग्राफीमा पनि पाईला बढाएकी हुन् । फिल्ममा समावेश तीन वटै गीतमा उनकै नृत्य निर्देशन छ ।
आमेश र अशिष्मासँगै सलोन बस्नेत र निरज श्रेष्ठ लिड अभिनयमा रहेको फिल्ममा संगीत अर्जुन पोखरेलको छ । दिव्य सुवेदीले क्यामेरा चलाएका छन् भने हरी पन्तको स्कृप्टमा बनेको फिल्ममा द्वन्द्व अष्ट महर्जनको रहँदा निर्माता मनोज के मरोडिया छन् । हरी पन्त नै फिल्ममा प्र्तुतकर्ता हुन् ।
