वलिउड पछिल्लो समय स्टार भर्सेज स्टार बनिरहेको छ । स्टारडम बोकेका कलाकारहरु एक आपसमा भिड्दै आएका छन् प्रतिष्ठाको लडाईं पनि उत्तिकै । शाहरुख खान ऋतिक रोशन र रणविर सिंहसँग भिडेर फेल खाएको उदाहरण जिवित रहँदा उनै शाहरुख अब भने अक्षयकुमारसँग अगष्ट ११ मा भिड्दैछन् ।
केहि हप्ता पहिले कन्फर्म भएको यो न्यूजपछि अब भने अर्को क्लासिक भिडन्त पक्का भएको छ । वलिउड सुपरस्टार आमिर खानको फिल्म 'सेक्रेट सुपरस्टार', साउथका सुपरस्टार रजनिकान्त अनि अक्षयकुमार स्टारर फिल्म ' २.० (रोबोट २)सँग भिड्ने भएको छ ।
वलिउड अनलाईन कोइमोइ डटकमका अनुसार यी फिल्म आउँदो दिवालीमा भिड्न तयार भएका छन् । आमिरले रजनिकान्तसँग टेलिफोन संवाद गरेर नै उक्त मिति कन्फर्म गरेको बताईएको छ ।
