निर्माता सन्तोष सेनले निर्माण गरेको फिल्म ‘प्रेमगीत' को सिक्वेल ‘प्रेमगीत २’को शिर्ष गीत रिलिज भएको छ ।
नयाँ बर्षको शुभकामना सहित निर्माण कम्पनी आँशुसेन फिल्मले गीत रिलिज गरेको हो । गीतमा श्रेया सोताङ र रोहितजोन क्षेत्रीले आवाज दिएका छन् । कल्याण सिंहले संगीत भरेको गीतलाई अमृत महरठ्ठाले लेखेका हुन् ।
गीत हेर्नुहोस्:
संगीतका कारण चर्चित बनेको ‘प्रमेगीत’ सिरिज ‘प्रेमगीत २’को शिर्ष गीत ‘कहानी यो प्रेमगीतको‘ भिडियो सार्वजनिक भएको केही घण्टामा नै ठूलो संख्यामा दर्शकले पछ्याएका कारण यो गीतले पनि चर्चा पाउनेमा निर्माता सेन विश्वस्त छन् ।
यो गीतमा चलचित्रका मुख्य कलाकार प्रदिप खड्का र डेब्यू नायिका अश्लेषा ठकुरी रहेका छन् भने यसलाई रामशरण पाठकले निर्देशन गरेका छन् । पुरुषोत्तम प्रधानले छायांकन गरेको गीतमा रेनशा वान्तवा राइको कोरियोग्राफी रहेको छ ।
थाइल्याण्ड, बर्मा र नेपालमा खिचिएको चलचित्र ‘प्रेमगीत २’ आउँदो बर्षको साउन १३ गतेबाट रिलिज हुनेछ ।
