नायक सविन श्रेष्ठले निर्माण गरेको फिल्म ‘हिरो रिटर्न्स’को टिजर रिलिज गरिएको छ । टिजरमा एक्सनलाई महत्व दिइएको छ ।
यो फिल्ममा नायिका रेखा थापा, नायकद्धय सविन श्रेष्ठ र दिल श्रेष्ठको मूख्य भूमिका छ भन टिजरमा नायक सरोज खनाल खलनायकको रुपमा देखिएका छन् । आशिष भेटवालले निर्देशन गरेको 'हिरो रिटर्न्स'मा चन्द्र गौतम, सहदेव गौतम र भिम न्यौपानेको लगानी छ भने अमित श्रेष्ठ यसका कार्यकारी निर्माता हुन् । प्रस्तुतकर्ता नायक सबिन श्रेष्ठ हुन् ।
टीजर हेर्नुहोस्:
चलचित्रमा मदनकाश्यप घिमिरेको छायांकन, मित्र गुरुङको सम्पादन, शिवम् अधिकारीको कथा, पटकथा तथा संवाद र चन्द्र पन्तको एक्सन छ । कविराज गहतराजको कोरियोग्राफी रहेको चलचित्रमा टंक बुढाथोकीले संगीत भरेका छन् । फिल्मको प्रदर्शन मिति भने तय गरिएको छैन ।
