जेष्ठ १९ गतेलाई रिलिज डेट लक गरिएको विल्सन विक्रम राई अभिनित फिल्म 'रातो घर' को तेस्रो ट्रेलर रिलिज भएको छ । सुरज सुब्बा 'नाल्बो' निर्देशित यो फिल्ममा विल्सन विक्रम राई, संयम पुरी, गौरव पहारी, मेनुका प्रधान, बिकेश श्रेष्ठ, अनुराग कुँवर लगायतको अभिनय रहेको छ । छोटो भएपनि सार्वजनिक ट्रेलरमा विल्सनको दमदार प्रस्तुती देख्न सकिन्छ ।
मान हिम फिल्मस् र तक्मे प्रोडक्शनको ब्यानरमा बनेको 'रातो घर' का प्रस्तुतकर्ता निकेश लिम्बु हुन् भने विल्सन विक्रम राई निर्माता हुन् । महेश खड्काको शब्द तथा संगीत रहेको 'रातो घर'मा हरि घले लामाको सिनेमाटोग्राफी रहेको छ । फिल्मले 'कालो काम गर्नेको सेतो कथा' भन्ने नारा बोकेको छ ।
