नायिका केकी अधिकारी र नायक नाजिर हुसेनको लिड रोल रहेको फिल्म 'राज्जा रानी' ले आफ्नो रिलिज डेट पुष २८ गतेलाई लक गरेको छ । नायिका रेखा थापाको पनि लिड रोल रहेको यो फिल्म पुष २८ गते रिलिज गर्ने फाइनल भएको निर्माता रमेश एम.के पौडेलले जानकारी दिए । फिल्मलाई एफडी कम्पनीले मोफसलमा वितरण गर्ने जिम्मा लिएको छ । 'कोहिनुर', 'वीर विक्रम', 'शब्द', 'के म तिम्रो होइन र' र 'रानी' लेखिसकेका स्क्रिप्ट राईटर यम थापाको यो डेब्यु निर्देशन हो ।
रेखा, केकी, नाजिरसँगै फिल्ममा कामेश्वर चौरासिया पनि लिड रोलमा छन् । फिल्मले पश्चिम तराईस्थित सानो जनजाति समुदायको संवेदना र प्रेमकथा चित्रण गर्छ । केकी र नाजिरले रोमान्टिक जोडीको रुपमा फिल्ममा केमेस्ट्री बुनेका छन् । फिल्ममा नायिका रेखा थापाको भूमिका भने निर्माणपक्षले लुकाउँदै आएको छ ।
लक्ष्मी बर्देवा, संगीता नापित, अरुण रेग्मी, दीपक क्षेत्री, विनोद निरौला, अनोज पाण्डे, अशोक आचार्यको समेत अभिनय छ । फिल्ममा ताराप्रकाश लिम्बु र दीपक शर्माको संगीत, पुरुषोत्तम प्रधानको छायांकन, एवं विक्रम स्वारको नृत्य निर्देशन रहेको छ ।
