'बाहुबली' का डायरेक्टर एसएस राजामौलीका पिता केवी विजेन्द्र एक चर्चित लेखक हुन् । उनले 'बजरंगी भाईजान', 'बाहुबली : द बिगनिंग', 'बाहुबली : द कन्क्लूजन' जस्ता ब्लकबस्टर फिल्मको कहानी लेखेका छन् । जब कसैको नाम यति ठूला-ठूला फिल्ममा हुन्छ तब जो कोहिँ फिल्ममेकर वा एक्टर उनीसँग काम गर्न मनपराउँछन् तर सनी देओललाई भने यस्तो केही भएन ।
केही समय अगाडि एउटा खबर आएको थियो कि केवी विजेन्द्र, सनी देओलसँग 'मेरा भारत महान' फिल्म बनाउन चाहन्छन्, तर मिड डेको खबरलाई आधार मान्ने हो भने सनीले उक्त फिल्म गर्न अस्वीकार गरेका छन् ।
मिड डेसँग कुराकानी गर्दै केवी विजेन्द्रले भने, 'यो प्रोजेक्ट बन्द भएको छ किनकी सनी यो फिल्म गर्न इच्छुक भएनन् ।' सनी अहिले आफ्नो छोरा करणको डेब्यूलाई लिएर चिन्तित छन् । हाल विजेन्द्र गोल्डी बहलको नयाँ शो 'आरम्भ' को स्क्रिप्ट लेखिरहेका छन् ।
