जेष्ठ २६ गतेबाट अलनेपाल रिलिज हुन लागेको ऋचा शर्माको लगानी र लिड रोल रहेको फिल्म 'आधा लभ' ले आफ्नो प्रचार प्रसारलाई आक्रामक बनाउने क्रममा एक कम्पिटिसनको आयोजना गरेको छ । केही दिन अगाडि सार्वजनिक ट्रेलरबाट प्रतिक्षित बनिरहेको यो फिल्मले 'आधा लभ' शिर्षकमा आफूले लेखेका कथा, कविता, मुक्तक, निबन्ध वा जुनसुकै खालका रचनाहरु पठाउन दर्शकहरुलाई आग्रह गरेको छ ।
फिल्मी निर्मात्री ऋचा शर्माले दिएको जानकारी अनुसार, 'मेरो आधा लभ स्टोरी : क्रियटिभ राईटिङ कम्पिटिशन' अन्गर्त आफूले लेखेका रचनाहरु [email protected] मा पठाउनु पर्नेछ । जेष्ठ १८ गतेसम्म आफुले लेखेका रचना पठाइसक्नु पर्ने र विजेतालाई आकर्षक पुरस्कारहरुको व्यवस्था गरिएको नायिका शर्माले जानकारी दिइन् । साथै, विजेताले फिल्मको टिकट पनि पुरस्कारको रुपमा प्राप्त गर्नेछन् ।
'आधा लभ' लाई कलाकार अर्पण थापाले निर्देशन गरेका हुन् । अर्पण फिल्मका लिड कलाकारको रुपमा पनि छन् ।ऋचा र अर्पणका अलवा फिल्ममा मिथिला शर्मा, टीका पहारी, रेमनदास श्रेष्ठ, रोजिशा शाही, विपिन मिक्की गुरुङलगायतले अभिनय गरेका छन्। शिसन बानियाँले खिचेको फिल्ममा सुजिल कर्माचार्यले संगीत दिएका छन्। निमेष श्रेष्ठले फिल्मको सम्पादन गरेका हुन्।
