कटरीना कैफ नयाँ फिल्म 'ठग्स अफ हिन्दुस्तान' मा आमिर खान र अमिताभ बच्चनसँग एक पटक फेरी देखिने भएकी छिन् । कटरीना कैफले यशराज फिल्म्सको मेगा प्रोजेक्ट फिल्म 'ठग्स अफ हिन्दुस्तान' ज्वाइन गरेकी छन् ।
आमिरले ट्विटरमा यो शेयर गर्दै लेखेका छन्, 'अन्ततः हामीले हाम्रो ठग भेटेका छौं कटरीना । कैटलाई स्वागत छ ।' कटरीना अहिले अबुधाबीमा आफ्नो नयाँ फिल्म 'टाइगर जिन्दा है' को छायांकनमा व्यस्त छिन् । फिल्मका निर्देशक अली अब्बास जफर हुन् र यसमा सलमान खान मुख्य भूमिकामा छन् । यो फिल्म २०१२ मा आएको फिल्म 'एक था टाइगर' को सिक्वेल हो ।
ठग्स अफ हिन्दुस्तानमा आमिर, कटरीना र विजय कृष्ण आचार्य एकपटक फेरी काम गर्दैछन् । आचार्य यो फिल्मका निर्देशक हुन् । यी तीनले यसभन्दा अगाडि 'धूम ३' मा एकसाथ काम गरेका थिए । आमिर र बच्चन भने पहिलो पटक एकसाथ काम गर्न लागेका हुन् । कटरीना र बच्चनले भने 'सरकार' र 'बूम' मा एकसाथ काम गरिसकेका छन् ।
