ऋतिक रोशनका फ्यानहरुलाई खुशीको खबर आएको छ, ऋतिक चाँडै नै 'कृष' को सिरिजको 'कृष ४' बाट ठूलो पर्दामा देखिँदैछन् । ऋतिकका पिता राकेश रोशन अहिले 'कृष ४' को स्क्रिप्टमाथी काम गरिरहेका छन् ।
'बाहुबली' र हलीवुडको सुपरहिरोको फिल्मको सफलतालाई देख्दै निर्माताहरुले पनि आफ्नो सुपरहिरोलाई कमब्याक गर्ने फैसला लिएका हुन् । जानकारीका अनुसार, यो फिल्ममा ऋतिक 'वन्डर वुमेन' जस्तो भूमिकामा निर्वाहा गर्न चाहन्छन् । 'वन्डर वुमेन' को ट्रेलर ऋतिकलाई निकै मन परेको थियो र उनले आफ्नो पिता राकेश रोशनसँग पनि यस्तै तरिकाको भूमिकाको डिमान्ड गरेका छन् ।
'कृष ४' मा ऋतिककी हिरोइन को हुनेछिन् यस विषयमा भने कुनै जानकारी प्राप्त भएको छैन । तर, 'कृष २' र 'कृष ३' मा ऋतिकसँग प्रियंका चोपडा थिइन् र केही दिन अगाडि प्रियंकाले भारत फर्किएपछि बताएकी थिइन् कि उनले ३ फिल्म साइन गरिसकेकी छिन् ।
यी तिन फिल्म मध्ये एक फिल्म अन्तरिक्षयात्री कल्पना चावलामाथी बन्न लागेको बायोपिक हो । बाँकी दुई फिल्मको खुलासा भने प्रियंकाले अहिलेसम्म गरेकी छैनन् । खबर त यो पनि बाहिर आएको छ कि प्रियंका, ऋतिकको अपोजिटमा 'कृष ४' मा देखिनेछिन् ।
