यही असोज १९ गतेबाट प्रदर्शन थालनी गर्न लागेको फिल्म ‘वानर सेना’को ट्रेलर सार्वजनिक गरिएको छ । सोमबार तीजको अवसर पारेर सार्वजनिक गरिएको २ मिनेट १० सेकेण्ड लम्बाईको ट्रेलरमा प्रेम र द्वन्द्वलाई प्रस्तुत गरिएको छ । फिल्मको कथा पौराणिक विषयवस्तुमा आधारित रहेको निर्माण टिमको दाबी छ । ट्रेलरमा अभिनेता किशोर खतिवडा नकारात्मक भूमिकामा प्रस्तुत छन् ।

अर्पण गिरी (अरमान जंग)को डेब्यू निर्देशन रहेको फिल्ममा किशोरका साथै निर्देशक गिरी, आरजु प्रसाई, सुरवीर पण्डीत, अर्जुन गुरुङ, किशन बाबु बस्नेत, राजन निरौला, सुनिता श्रेष्ठ, सुरेश साहु, कमला बिष्ट, रमेश सोडारी, युवराज गिरी, राहुल यादव, ज्ञानेन्द्र थापा, बालकलाकार मास्टर अमित पौडेलसहित विशेष भूमिकामा कामेश्वर चौरासिया र तेजस्वी बास्कोटाले अभिनय गरेका छन् ।

गिरी ग्राण्ड फिल्म्सको प्रस्तुतिमा बनेको फिल्ममा विनोद सापकोटाको छायांकन, नारायण रिजालको कोरियोग्राफी, शंकर महर्जन तथा आरके श्रीको द्वन्द्व निर्देशन, जोन तामाङ र अर्पण गिरीको संगीत, निर्देशक गिरी स्वयंको गीत लेखन, सत्यम राणा र श्रीकृष्ण श्रेष्ठको भीएफएक्स र बन्दे प्रसादको सम्पादन रहेको छ । फिल्मको कथा, पटकथा तथा संवाद लेखन निर्देशक गिरी स्वयंको हो ।