उदय सुब्बा निर्देशित फिल्म ‘दुई कदम’को शीर्ष गीत सार्वजनिक गरिएको छ । रोमान्टिक भावको गीतमा अभिनेता इओन लिम्बु र अभिनेत्री सिमोन गिरी फिचर्ड छन् । प्रविसा अधिकारी र सिडी विजय अधिकारीको स्वर रहेको गीतमा डिपी खनालको शब्द रचना तथा तारा प्रकाश लिम्बुको संगीत छ । रामजी लामिछानेको नृत्य निर्देशन रहेको यो गीत पर्यटकीय क्षेत्र मुस्ताङमा खिचिएको हो ।
आगामी मंसिर २९ गतेबाट प्रदर्शनमा आउन लागेको फिल्ममा इओन र सिमोनसँगै सुनिल थापा, कविता आले, सुरवीर पन्डित, प्रेम सुब्बा, गौरव पहारी, बुद्धि तामाङ, अर्जुन गुरुङ, विमला लिम्बु, जिवन लिम्बु, चन्दा दाहाल र प्रितिका शर्माको पनि अभिनय छ । फिल्मको एक गीतमा अभिनेता विल्सन विक्रम राईले नृत्य गरेका छन् । फिल्ममा दयाराम घिमिरेको कथा तथा पटकथा लेखन छ ।
अजम्बरी फिल्म्सको प्रस्तुति रहेको फिल्ममा तारादेवी लिम्बुको लगानी छ भने विक्रम डिसीको छायांकन, तारा प्रकाशसँगै विकास चौधरीको संगीत, राजु किराँतीको द्वन्द्व निर्देशन र प्रविन ढकालको सम्पादन छ । निर्देशक सुब्बाले फिल्मले नेपाली समाजको कथा बोल्ने दाबी गरेका छन् । फिल्मलाई काठमाडौं उपत्यकामा रिच इन्टरटेनमेन्ट र उपत्यकाबाहिर एफडी कम्पनीले वितरण गर्दैछ ।
