मंसिर २९ गतेबाट प्रदर्शनमा आउन लागेको फिल्म ‘दुई कदम’को ‘कागभन्दा कोइली चलाख’ बोलको गीत सार्वजनिक गरिएको छ । सोमबार सार्वजनिक लोक शैलीको गीतमा प्रताप दास र मेलिना राईको स्वर, डीपी खनालको शब्द रचना र विकास चौधरीको संगीत रहेको छ । गीतमा गौरव पहारी, इओन लिम्बु, सिमोन गिरी, विल्सन विक्रम राई, विमला लिम्बु र गीता ढुंगाना प्रस्तुत छन् ।
उदय सुब्बाको निर्देशनमा बनेको फिल्ममा गौरव, इओन, सिमोन र विमला प्रमुख भूमिकामा छन् भने सुनिल थापा, कविता आले, सुरवीर पन्डित, प्रेम सुब्बा, बुद्धि तामाङ, अर्जुन गुरुङ, जिवन लिम्बु, चन्दा दाहाल, प्रितिका शर्मा आदि पनि अभिनय छ । विल्सन र गीताको गीतमा मात्र नृत्य छ । अजम्बरी फिल्मस्को ब्यानरमा निर्माण भएको यस फिल्ममा तारा देवी लिम्बुको एकल लगानी छ ।
पूर्वको धनकुटा, तेह्रथुमको वसन्तपुर, इलाम, झापा र धरानमा खिचिएको फिल्ममा विक्रम डिसीको छायांकन, दयाराम घिमिरेको कथा तथा पटकथा, ताराप्रकाश लिम्बु र विकास चौधरीको संगीत, डिपी खनालको गीत लेखन, रामजी लामिछानेको कोरियोग्राफी, राजु किराँतीको द्वन्द्व निर्देशन र प्रविन ढकालको सम्पादन छ । फिल्मलाई रिच इन्टरटेनमेन्ट र एफडी कम्पनिले वितरण गर्दैछन् ।
