सिमोस सुनुवार निर्देशित रोमान्टिक-कमेडी ड्रामा ‘हात्तीछाप’को टिजर सार्वजनिक गरिएको छ । २ मिनेट २९ सेकेण्ड लम्बाईको टिजरमा कमेडी हाबी छ । रोजगारीका लागि गाउँबाट काठमाडौं आएपछि दयाहाङ राईको पात्रले गर्नुपरेको संघर्ष र उपासना सिंह ठकुरीसँगको प्रेम देखाइएको छ भने सौगात मल्ल बोत्तल राजाको अवतारमा चित्रित छन् । उनको लुक्स र गेटअप पृथक छ ।
फिल्ममा विल्सन विक्रम राई, बेनिशा हमाल, वुद्दि तामाङ, बिजय बराल, कमलमणी नेपाल, पुष्कर गुरुङ, प्रकाश घिमिरे, विनोद न्यौपाने, कविता आले, भोलाराज सापकोटा, विशाल पहारी, नारायण खाती, अनिता गिरी, सुष्मा निरौला, अनिषा अधिकारी, रेयर राई, स्वस्तिका खड्का, बेन भुजेल, रिजोन परियार लगायतको पनि अभिनय छ । फिल्ममा प्रदीप भारद्वाजको लेखन रहेको छ ।
निमेष श्रेष्ठको सम्पादन, सुशन प्रजापतिको छायांकन, रामजी लामिछानेको कोरियोग्राफी, उज्ज्वल सागर र आशिष मगरको संगीत रहेको फिल्म आगामी माघ २६ गतेबाट प्रदर्शनमा आउँदैछ । किरण नेपाली प्रस्तुतकर्ता रहेको फिल्ममा अमलादेवी राई, पुष्कर गुरुङ र जय श्रेष्ठ निर्माताको रुपमा छन् । कार्यकारी निर्माता भने सरोज नेपाली हुन् । फिल्मले सामाजिक कथालाई उठाएको छ ।
