‘पठान’ फेम्ड निर्देशक सिद्धार्थ आनन्दद्वारा निर्देशित नयाँ फिल्म ‘फाइटर’को टिजर सार्वजनिक गरिएको छ । १ मिनेट १३ सेकेण्ड लम्बाईको टिजरमा फाइटर जेट्सको एरियल एक्सन देखाइएको छ । टिजरमा समावेश हरेक एक दृश्यले रोमाञ्चक बनाउँछन् । ब्याकग्राउन्ड स्कोर सशक्त छ । टिजरमा कुनै कलाकारको संवाद भने राखिएको छैन । यो फिल्म २५० करोड भारुमा बनेको हो ।
फिल्ममा ऋतिक रोशन, अनिल कपूर र दीपिका पादुकोण केन्द्रिय भूमिकामा छन् । टिजरमा पनि उनीहरु नै प्रस्तुत छन् । ऋतिक र दीपिका स्क्वाड्रन लीडर बनेका छन् भने अनिल ग्रुप क्याप्टेन शमशेर पठानियाको भूमिकामा छन् । भारतको स्वतन्त्रता दिवसको अवसर पारेर २०२४ को २५ जनवरीदेखि फिल्म प्रदर्शनमा आउँदैछ । टिजरले नै दर्शकमा फिल्मको पखाई अधैर्य बनाउन सक्छ ।
फिल्मको कथा फाइटर जेट्सको वरिपरि घुम्छ । निर्देशक आनन्दले ‘वार’को बेलामा यो विषयमा फिल्म बनाउनेबारे सोचेका थिए । ‘फाइटर’लाई भारतको पहिलो एरियल एक्सन फिल्म भनिएको छ । यसको अरु श्रृंखला पनि निर्माण गरिँदैछ । करण सिंह ग्रोवर, अक्षय ओबेरायको पनि महत्त्वपूर्ण भूमिका रहेको यो फिल्मले भारतीय बक्स अफिसमा आक्रामक कमाई गर्ने प्रक्षेपण गरिएको छ ।
