आगामी माघ १९ गतेदेखि प्रदर्शनमा आउन लागेको राजु गिरीद्वारा निर्देशित फिल्म ‘नम्बरी सुन’को नयाँ गीत सार्वजनिक गरिएको छ । ‘तिमी बर म पीपल’ बोलको रोमान्टिक गीतमा प्रताप दास र अनु चौधरीको स्वर तथा अर्जुन पोखरेलको शब्द रचना र संगीत छ । गीतको भिडियोमा फिल्मका मुख्य अभिनेता गौरव पहारी र अभिनेत्री नम्रता सापकोटा एकअर्कासँग प्रेमिल देखिएका छन् ।
रामजी लामिछानेको कोरियोग्राफी रहेको गीतमा मानकृष्ण महर्जनको छायांकन तथा मनोरन्जन श्रेष्ठको कलर छ । नारायण खाती प्रस्तुतकर्ता रहेको फिल्ममा फिल्ममा गौरव र नम्रताका साथै सरोज खनाल, बुद्धि तामाङ, राजाराम पौडेल, विनोद न्यौपाने, किरण नेपाली, राजेन्द्र खड्गी, सबिन बास्तोला, गीता अधिकारी, नारायण खाती, अस्मिता न्यौपाने, राजेन्द्र गिरी लगायतको अभिनय छ ।
सरोज खाती, सबिन खाती र मनोज रिजाल निर्माता रहेको फिल्ममा शिवम् अधिकारीको कथा तथा पटकथा लेखन, दिव्य सुवेदीको छायांकन, गौतमराज खड्काको सम्पादन, अर्जुनका साथै सन्तोष श्रेष्ठको संगीत, अर्जुन पोखरेल र नारायण खातीको शब्द रचना, विनोद भुजेलको ब्याकग्राउण्ड स्कोर र देव महर्जनको द्वन्द्व छ । फिल्मले सुनको इतिहासलाई मियो बनाएर प्रेमकथा भनेको छ ।
