लेखक तथा निर्देशक सौरभ चौधरीको महत्त्वाकाङ्क्षी फिल्म ‘द अन ब्रेकेबल अगस्त्य: च्याप्टर १’को फस्ट लुक रिलिज गरिएको छ । योसँगै यसको प्रदर्शन मिति घोषणा गरिएको छ ।

यो फिल्म आगामी फागुन १८ गते रिलिज हुने तय भएको छ । सार्वजनिक गरिएका दुई पोस्टरमा यसका अभिनेता सौगात मल्ललाई ‘सौर्य’को रूपमा परिचय गराइको छ । यसमा सौगातको साथमा नाजिर हुसेन, मलिका महत, प्रमोद अग्रहरी, विजय बराल, रवीन्द्र झा लगायतका कलाकारको अभिनय छ ।

डार्क हर्ष इन्टरटेन्मेन्ट र सेभेन सिज इन्टरटेन्मेन्टको प्रस्तुतिमा तयार फिल्ममा प्रकाश मल्ल, अनीश तामाङ र विनोद पौडेल निर्माता रहेका छन् भने कार्यकारी निर्माता विश्व गौचन र अभिषेक चौधरी हुन् ।