ट्राभल-लभस्टोरी कथामा बनेको फिल्म ‘लण्डन टू पेरिस’को डान्सिङ शैलीको नयाँ गीत ‘सुवी डु’ सार्वजनिक गरिएको छ । गीतमा बियोण्डको संगीत र शब्द रचना छ भने बियोण्ड र प्रविसा अधिकारीको युगल स्वर छ । लांगनेस फर्नान्डेजको कोरियोग्राफी रहेको गीतमा साम्राज्ञी राज्यलक्ष्मी शाह, निश्चल खड्का, गरिमा शर्मा, कबीर खड्का, मनिष गान्धी र रुष्मा थापा नृत्य गर्दै देखिएका छन् ।
यही जेठ २५ गतेदेखि प्रदर्शनमा आउने तयारीमा रहेको फिल्मलाई घनश्याम लामिछानेले निर्देशन गरेका हुन् । प्रदीप भारद्वाजको लेखन रहेको फिल्म एबी इन्टरनेशनलको प्रस्तुति तथा गौतम प्रोडक्शन र अर्चिड भेस फिल्म्स लिमिटेडको संयुक्त निर्माणमा बनेको हो । लण्डनमा छायांकन गरिएको यो फिल्मको निर्मातामा अमित बस्नेत, आरोन बस्नेत, एरियाना बस्नेत तथा परी राना रहेका छन् ।
सनिश खकुरेल र अजित केआर थापा सह-निर्माता रहेको फिल्मको कार्यकारी निर्मात अंकित गौतम, सुरज कुँवर र विजय भण्डारी हुन् । फिल्ममा अभेद परवको डिओपी, हर्कुलश बस्नेत, एसडी योगी, बियोण्ड र सलिन मगरको संगीत, सजु चन्द्रनको सम्पादन र सुजिल कर्माचार्यको पार्श्व संगीत छ । रोहित कट्टेल र रत्न श्रेष्ठको आरआर फिल्म्सले ‘लण्डन टू पेरिस’लाई नेपालमा वितरण गर्नेछ ।
