नेपालको ‘नम्बर वान’ ओटीटीको रुपमा आफ्नो स्थान बनाएको सिनेमाघर एपमा लगातार सफल फिल्महरु रिलिज भइरहेका छन् । ‘कबड्डी ४’, ‘जारी’, ‘महापुरुष’, ‘जय भोले’, ‘मंगलम’ जस्ता सफल फिल्म रिलिज भइसकेको यो एपमा गत महिना ‘चपली हाइट ३’ आएको थियो । यसैबीच, शनिबारबाट एपमा अघिल्लो वर्षको सुपरहिट फिल्म ‘पशुपति प्रसाद २ : भष्मे डन’ रिलिज गरिएको छ ।
दीपेन्द्र के. खनालको निर्देशनमा बनेको फिल्ममा विपिन कार्की, सौगात मल्ल, रवीन्द्र सिंह बानियाँ, माओत्से गुरुङ, प्रकाश घिमिरे, स्वस्तिमा खड्का, लोकेन्द्र लेखक, मिस्री थापा, विभु पौडेल, प्रकाश दाहाल लगायतको अभिनय छ । खगेन्द्र लामिछानेको निर्माण रहेको फिल्ममा उनीसँगै अभिनेत्री वर्षा सिवाकोटीको पनि विशेष भूमिका छ । खगेन्द्र स्वयं सिनेमाघर एपको सञ्चालक समेत हुन् ।
सिनेमाघर एप एन्ड्रोइड र आइओस मोबाइलसहित सामसुङ, एलजी, गुगल, अमेजन लगायतका टेलिभिजनहरूमा पनि डाउनलोड गर्न सकिन्छ । पैसा तिर्न भने नेपाल र भारतका डिजिटल वालेटसहित अन्य देशहरुमा पेपल, गुगल पे, एप्पल पे तथा डेबिट-क्रेडिट कार्डबाट सकिनेछ । यो एपमा व्यवस्था रहेको सिनेक्वाइन प्रयोग गरेर निःशुल्क रुपमा समेत फिल्महरु हेर्न सकिने जनाइएको छ ।
