यही माघ २५ गतेबाट प्रदर्शनमा आउन लागेको हरर फिल्म ‘ममी’को ट्रेलर सार्वजनिक गरिएको छ । मंगलबार सार्वजनिक झन्डै २ मिनेट लामो ट्रेलरले विगतको एउटा डरलाग्दो घटनाबाट भयवित अभिनेत्री प्रियंका कार्कीको पात्रलाई पछ्याएको छ । अलौकिक शक्तिका कारण एउटा घरभित्र घटेको घटनालाई फिल्मले मुख्य कथावस्तु बनाएको देखिन्छ । ट्रेलरका केही दृश्य डरलाग्दा छन् ।
समर निरौलाको निर्देशनमा बनेको फिल्ममा प्रियंकासहित दीया मास्के, सुलक्षण भारती, समीप निरौला, घनश्याम जोशी, आयुषी ढकाल, जेभिस श्रेष्ठ, गीत विष्ट, बाल कलाकारहरु आयुषी ढकाल र जेभिस श्रेष्ठ लगायतको अभिनय छ । सो ट्वान्टी फाइभको प्रस्तुतिमा निर्माण भएको फिल्ममा समर निरौला र पूर्णिमा जोशीको संयुक्त लेखन छ ।
फिल्मका निर्माता लोकराज जोशी तथा पूर्णिमा जोशी हुन् । कार्यकारी निर्मातामा सुमन कोइराला छन् । ‘ममी’को छायाँकन निशाल पौडेल र शरद महतोले गरेका हुन् । यसमा सम्पादन सुरेन महर्जनको छ भने पार्श्व ध्वनीमा रोहित शाक्य, साउन्ड डिजाइनमा श्रवल आरपी, रंग संयोजनमा दिपेश चौधरी र संगीतकारमा एसडी योगी छन् । फिल्मको ‘म त यसै नक्कली’ गीत यतिबेला चर्चामा छ ।
