मिति : २०८१ चैत्र २२, शुक्रवार

Nepal's No.1 Filmy Web Magazine

  • Current Rating
  • 1
  • 2
  • 3
  • 4
  • 5
(0 vote, avg 0.00/5.00)
Text size:-
+
-

‘कर्मा’को ट्रेलर रिलिज, एक्सन अवतारमा विपिन

फिल्मीखबर, काठमाडौं, 2025/04/03

BIPIN KARKI

 

नयाँ वर्ष २०८२ को छेको पारेर चैत २९ गतेबाट प्रदर्शनमा आउन लागेको फिल्म ‘कर्मा’को ट्रेलर सार्वजनिक गरिएको छ । बिहीबार काठमाडौंमा एक कार्यक्रमबीच सार्वजनिक तीन मिनेट लामो ट्रेलरमा भ्रष्ट सिस्टमले अपराधी करार भएका एक पात्रको संघर्षलाई देखाइएको छ । ट्रेलरको अन्तिम तीस सेकेण्ड सशक्त देखिन्छ, जहाँ अभिनेता विपिन कार्की एक्सन अवतारमा प्रस्तुत छन् ।

एउटा साधारण व्यक्तिलाई जब सिस्टमले अपराधी बनाउँछ, तब ऊ बदला लिन कुन हदसम्म उत्रिन्छ भन्ने ट्रेलरमा देखाइएको छ । अभिनेत्री उपासना सिंह ठकुरीसँग विपिनको प्रेम र मनमुटावका दृश्य पनि ट्रेलरमा छन् । अभिनेता मुकुन भुसाल भने नकारात्मक भूमिकामा छन् । बाइक चेजिङ सिन, ब्याकग्राउन्ड म्यूजिक र एक्सन कोरियोग्राफी ट्रेलरको आकर्षक पक्ष हो ।

‘कर्मा’मा सौरभ चौधरीको लेखन तथा निर्देशन छ । यसअघि उनले ‘अगस्त्य’ निर्देशन गरेका थिए । फिल्ममा विपिन, उपासना र मुकुनसहित दिव्यदेव पन्त, सरिता गिरी, बेन बस्नेत, सुज्यान सिलवाल, अनिल बुढाथोकी, निर्मल शर्मा लगायतको अभिनय छ ।

वसन्त लम्सालको लगानी रहेको फिल्ममा निर्देशक चौधरी स्वयंको कथा छ । आर्टिस्टिक इन्टरटेनमेन्टको प्रस्तुति रहेको फिल्मलाई सौरभ लामाले खिचेका हुन् । यसमा भाष्कर स्वाँरको संगीत निर्देशन तथा ब्याकग्राउन्ड म्यूजिक, श्री श्रेष्ठको द्वन्द्व निर्देशन, कविराज गहतराजको कोरियोग्राफी तथा निमेष श्रेष्ठको सम्पादन छ । ‘कर्मा’लाई अन्तर्राष्ट्रिय बजारमा सेभेन सिज सिनेमाले वितरण गर्नेछ ।