चलचित्र 'बाटोमुनिको फूल' को सार्वजनिक प्रदर्शन माघ महिनातिर प्रारम्भ हुने भएको छ । गायकद्वय यशकुमार र बाबु बोगटीले नायकको भूमिका निर्वाह गरेको यो चलचित्रका निर्देशक सुरज सुब्बा 'नाल्बो' हुन् ।
राजेश घतानीले निर्माण गरेको चलचित्र 'बाटो मुनिको फूल' प्रेमकथा तथा सामाजिक भेदभावका विषयमा निर्माण भएको छ । रेखा थापा, नन्दिता केसी, अरुण रेग्मी, गणेश उप्रेती, सुभद्रा अधिकारी आदि कलाकारले मुख्य भूमिका निर्वाह गरेको यो चलचित्रकामा यशकुमारको संगीत छ । दार्जिलिङ्गकी १५ वर्षीया गायिका प्रकृति गिरीले चलचित्र 'बाटोमुनिको फूल' मा एउटा गीत गाएकी छिन् ।
