नेपाली फिल्म उद्योगमा नायकको अभाव महसुस भइरहेका वेला नायक सुमन सिंह निर्माता-निर्देशकका आँखामा परेका छन् । जसका कारण उनी अहिले निकै व्यस्त नायकको सुचिमा छन् ।
सुमनले अभिनय गरेका नाइ नभन्नु ल, तिमीविनाको जीवन, पलपलमा, द गेम, छविलाल कञ्जुस छैन, बन्दीलगायतका फिल्म प्रदर्शोन्मुख छन् भने ब्याच नं. १६ र कसम फिल्मको सुटिङ हालै सकिएको छ । अचेल उनी ग्याम्लर र खोज नामक दुई फिल्मको छायाँकनमा व्यस्त छन् भने गोपीकृष्ण मुभिजले निर्माण गर्न लागेको चलचित्र 'खुसी' मा उनी अनुबन्धित भईसकेका छन् ।
