सवारी चालक मानबहादुर परियारले नरिवल फुटाएर, स्पट ब्वाई सुवास लामाले क्ल्याप हानेर र डे्रसम्यान कमल मिश्रले एक्सन भनेर चलचित्र 'पल्टन' को मुहुर्त गरिएको छ ।
मंगलबार पोखराको विन्ध्यावासिनी मन्दिरमा गरिएको मुहुर्तमा तृप्ति नाडकर, अमृत लामा, कुशल थापा, करण क्रेजी, दिनेश थापा र पुष्कर रेग्मीले मुहुर्त सट दिएका थिए । वासुदेव पोखरेल निर्देशित सो चलचित्रको अहिले पोखरामा छायाँकन भईरहेको छ ।
युवाहरूले स्वदेशमै केही गर्नुपर्ने र जन्मभूमिलाई सधैं सुरक्षा गर्नुपर्ने सन्देश दिन खोजिएको चलचित्र 'पल्टन' मा राजेश हमाल, सञ्जिता गुरुङ, विजय देउजा, मुकुन्द थापा, प्रतिष्ठा प्रसाईंलगायतले पनि अभिनय गर्दैछन् । चलचित्रको सम्पूर्ण भागको छायाँकन पोखरामा नै गरिने भएको छ । चलचित्रलाई विक्रम शाहले निर्माण गर्दै छन् ।
