शुक्रबारबाट देशभर प्रदर्शनमा आएको चलचित्र 'फस्टलभ' को बिहिबार राजधानीको जयनेपाल हलमा प्रिमियर गरियो । चलचित्रका प्रबिधिक र कलाकार, पत्रकार तथा चलचित्रकर्मीहरू बिच गरिएको प्रिमियर अन्य चलचित्रको प्रिमियर भन्दा केहि भिन्न थियो ।
प्रिमियर शुरू हुनुभन्दा पहिला सबैलाई खुसि पार्न कक्टेल पार्टीको आयोजना गरिएको थियो । करिब डेढ घन्टाको कक्टेल पार्टी पश्चात मात्र चलचित्रको प्रिमियर गरिएको थियो । सिमोस सुनुवारले निर्देशन गरेको सो चलचित्रलाई नरेन्द्र महर्जन र माधव वाग्लेले निर्माण गरेका हुन् । चलचित्रमा आर्यन सिक्देल, कर्म, निशा अधिकारी, बिनय श्रेष्ठ, ऋचा शर्मा, सबिन श्रेष्ठलगायतका कलाकारहरूले अभिनय गरेका छन् ।
सामान्य प्रेमकथामा आधारित भएर निर्माण गरिएको चलचित्र 'फस्टलभ' केही बिदेशी चलचित्रबाट प्रभावित भएको देखिन आएको छ । यधपि यस चलचित्रलाई बिशुद्व नेपाली चलचित्र भनिएको थियो । केही समयमा हामी सो चलचित्रको पूर्ण समिक्षा लिएर आउने छौं ।
