तपाईलाई निर्माता तथा निर्देशक दिपक खाँड को बारेमा जानकारी चाहिएको छ भने अव न आत्तिनुहोस । चौथो चलचित्र "दि क्रिष" को निर्माण कार्यमा जुटिरहेका निर्देशक खाँडले हिजो बुधबारबाट आफ्नो सम्पूर्ण जानकारी मोबाईल कम्प्याक टेबल बनाएका छन् ।
यदि तपाईले मोबाईलको म्यासेज बक्समा गएर AC deepak टाईप गरी ५००१ मा पठाउनु भयो भने तपाईले एउटा भिजिटिङ कार्डमा हुने सम्पूर्ण जानकारी म्यासेज मार्फत पाउन सक्नु हुन्छ । तपाईले प्राप्त गर्नु भएको सो एसएमएस मा "दिपक खाँड, र्डाईरेक्टर एण्ड प्रोडुसर, ए एण्ड डिके फिल्मस प्राईभेट लिमिटेड साथै उनको अफिस र मोबाईलको नम्बर अनि व्यक्तिगत इमेल ठेगाना समेत पाउँन सक्नु हुन्छ ।"
भिजिटिङ कार्ड हराउने, च्यातिने र कार्डको बेवास्ता हुने हुनाले आफूलाई चाहिएको बेला जुनकुनै समयमा जानकारी लिन सकिने भएकोले यस्तो व्यवस्था गरिएको निर्देशक खाँडले फिल्मीखबरलाई जानकारी गराए । २१औ शताब्दीमा प्रविधिसंग मिल्न खोजेका दिपकको यो पछिल्लो क्रियाकलाप धेरैलाई मन समेत परेछ । नेपाली चलचित्र उद्योगमा इमेल पनि चेक गर्न नसक्ने निर्माता र निर्देशक रहेको अवस्थामा खाँडले चालेको यो कदम साच्चिनै सहरनिय छ ।
