दुई बर्ष अगाडी निर्माण भएको चलचित्र 'कानुन' भदौ ४ गतेदेखि राजधानीमा प्रदर्शन हुने भएको छ । उदय सुब्बाको लेखन र निर्देशनमा बनेको उक्त चलचित्र राजनितिक परिवेश सँगै प्रेमकथामा आधारित छ ।
मदनकुमार इङनाम, रामप्रसाद चोङबाङ र भीम चोङबाङले चलचित्रलाई निर्माण गरेका हुन् । उक्त चलचित्रमा राजेश हमाल, निखिल उप्रेती, झरना थापा, दिलिप रायमाझी, अरूणिमा लम्साल, सुनिल थापा, दिनेश शर्मालगायतका कलाकारहरूले अभिनय गरेका छन् ।
गायक राजेशपायल राईको संगीत रहेको सो चलचित्रमा एनबी महर्जनको द्वन्दनिर्देशन, दिनेश पाख्रिनको नृत्यनिर्देशन र कृष्ण श्रेष्ठको छायाँकन रहेको छ ।
यो चलचित्र राजधानी बाहिरबाट भने प्रदर्शनमा आईसकेको छ ।
