गत बर्ष पहिलो पटक एक्कल साँझ गरेका गायक शिशिर योगी दोस्रो पटक एकल साँझको तयारीमा जुटिरहेका छन् ।
आगामी असोज २ गते शनिबार राष्ट्रिय नाचघर जमलमा उनले दुई घण्टा सम्म जम्मा १६ वटा गीत गाउँदै छन् । राष्ट्रिय भावनाले ओतप्रोत भएको "हे आमा नेपाल तिमिलाई संसारकै राम्री बनाउला" गीत बाट सुरू हुने उनको एकल प्रस्तुतीमा गायक नारायण गोपाल , गोपाल योञ्जन र अम्बर गुरूङका एक-एक वटा गीतपनि समावेश गरिने योगीले फिल्मीखबरलाई जानकारी दिए ।
"यसका लागि तयारीमा जुटेको छु" उनले भने । नेपाल युवक क्रान्त्रिकारी संघको आयोजनामा भव्य रूपले हुन लागेको सो साँझको जानकारीका लागि योगीले अबको केहीँ दिनमा नेपाल टेलिकमको साहयताले सारा मोबाईलमा निमन्त्रणा म्यासेज पनि पठाउने तयारी भइरहेको बताए । यस्तै सो साँझको जानकारीका लागि विभिन्न पत्रपत्रिकाबाट समेत सूचना दिईने भन्दै उनले सो कार्याक्रम भव्य हुने बताए ।
२०५९ सालमा पहिलो पटक "पहिचान" एल्बम लिएर श्रोता र दर्शकमाझ चिनिएका योगीले हाल सम्म १ सय २५ वटा गीत रेकर्ड गरिसेका छन् । ती मध्ये तिमिले पर्राई ठानेपछी , सारङ्गीत रेटेपनि बोल्छ मिठै धुनी, हास्नलाई ओठ खोले जस्ता हिट गीत उनले दिईसकेका छन् ।
