२७औ जन्मदिनको दिन शनिबार बिहान भगवानको दर्शनको लागि न्यूरोड स्थित संकटा मन्दिर जाने तयारी गरेकी नायिका रेखा थापा अन्तत् त्यहाँ नजाने भएकी छिन् ।
शुक्रबार साँझ फिल्मीखबरसंग कुरा गर्दै नायिका थापाले 'शनिबार बिहान ८ बजे नै सुटिङ्गमा जानु पर्ने भएकाले घरै छेउको गुहेश्वोरी मन्दिर दर्शनका लागि जाने' बताइन् । गोपी कृष्ण मुभिजको ब्यानरमा निर्माणाधिन चलचित्र खुशीको सुटिङ्गमा व्यस्त रहेकी नायिका थापाले यस अघि जन्मदिनको दिन संकटा मन्दिर जाने बताएकी थिइन् ।
शनि संकट हटाउन तथा नवग्रह शान्तिको लागि काठमाण्डौका मुटुमा रहेको संकटा मन्दिर निकै प्रसिद्ध छ । अत प्रत्येक शनिबारको दिन र सो मन्दिरमा बिहानै देखि सयौ दर्शनार्थीको भीड लाग्ने भएकाले पनि सायद रेखाले त्यहाँ नजाने निर्णय गरेकी होलिन ।
२०४० साल भदौ ५ गते मोरङ्गमा जन्मिएकी नायिका थापालाई फेरी पनि जन्म दिनको शुभकामना ।
