निर्देशक शोभित बस्नेतले पारसमणीको संज्ञा दिदै आएका संगीतकार शम्भुजीत बास्कोटालाई अब देखि आफ्नो चलचित्रमा संगीत भर्न नदिने हल्ला चलेको छ ।
२० वटा चलचित्रको निर्देशनको क्रममा झण्डै आधा चलचित्रमा संगीत भर्न दिएका शम्भुजीतको आनीबानीका कारण आफ्नो बिजनेशमा धक्का पर्न जाने सम्भावना देखेपछी बस्नेतले अब उनलाई संगीत भर्न नदिने बुझिएको छ ।
स्रोतले दिएको जनाकारी अनुसार शम्भुजीतले अरू संगीतकारलाई आफु भन्दा माथि देख्न नचाहाने र हेपेर उनीहरूको कुरा काटेको बिषयले शोभित र अन्य संगीतकारको सम्बन्ध नबिग्रियोस भन्दै उनले बेलैमा बास्कोटालाई किनारा लाउन खोजेको बुझिएको छ ।
पछिल्लो पुस्ताका नयाँ संगीतकारहरू बसन्त सापकोटा, चेतन सापकोटाको पूरानो पेशालाई हेप्दै शम्भुजीतले चलचित्रकर्मीहरूको माझ कुरा भने नकाटेका हैनन् । संगितकार हुन अघि इलेक्ट्रीक पसल थापेर बसेका बसन्त सापकोटा र साँझको समयमा ट्याक्सी चलाउने पेशा गरेका चेतन सापकोटा जस्ता संगीतकारलाई उनले निकै तल्लो स्तरमा हेप्ने गरेका छन् । यध्पी शम्भुजीतबाट आफु हेपिएपनि यि संगीतकारले भने शम्भुजीतलाई सम्मान गर्ने गरेका छन् ।
बजारमा चलेको शोभित र शम्भुजीतको हल्लालाई निर्देशक शोभितले भने लुकाउन खोजेका छन् । शम्भुजीत र शोभितको विजनेश सम्बन्धको भित्री कुरा जे भए पनि हावा नचिलिकन पात कहिलै हल्लिदैन भन्ने कुरा सायद सबैलाई थाहा नै होला !
शोभितको निर्देशनमा गएको असार ३१ गतेबाट उपत्यका बाहिर प्रदर्शन भईसकेको चलचित्र कन्यादान, प्रदर्शनमा आउँन लागेको चलचित्र चिनो, यस अघिका राज, दानबीर, अग्नीपथ, जंगबाज जस्ता सफल चलचित्रमा शम्भुजीतले उत्कृष्टसंगीत भरेका छन् ।
