मलेसियामा रहेका करीव १५ सय दर्शकका विचमा नेपाली चलचित्र 'मिस यू' को छायांकनको शुभारम्भ भएको छ । शुरेशदपर्ण प्रोख्रलले निर्देशन गर्न लागेको चलचित्रको मंगलबार गायक आनन्द कार्कीले नरिवल फुटाएर चलचित्रको शुभारम्भ गरेका हुन ।
नायक दिलीप रायमाझि, नायिका नम्रता श्रैष्ठ र नव नायक वरुण रानाले चलचित्रको मुहुर्त सट दिएका थिए । दर्शकहरुले एक्सन भन्नासाथ मायाप्रितिमा पछाउदै हिडेका दुई युवाहरुलाई नम्रताले तिमीहरुले मनपराएर मात्र हुन्छ ? मैले पनि त मन पराउन पर्यो नि ! भन्ने संवादमा छायांकन गरिएको थियो ।
चलचित्रको निर्माता समेत रहेका नायक दिलीप रायमाझिले चलचित्र निर्माणका लागि आफु अत्यन्तै उत्साहित भएको जानकारी दिए। मलेसियामा विदाको अवसर पारेर स्थानिय एक संस्था एस डव्लु डिसीले आयोजना गरेको मुहुर्त कार्यक्रममा चलचित्रको केहि दृश्यहरु समेत छायांकन गरिएको थियो । चलचित्रको अधिकाशं छायांकन मलेसियामा हुने निर्देशक पोख्रलले जानकारी गराए । चलचित्रको लगानी करीव १ करोड १५ लाख रुपैया रहेको छ ।
