दुई महिना अगाडी मुम्बई पसेकी नायिका उषा पौडेलले फेसबुक मार्फत आफू मुम्बईमा अभिनय सिक्दै गरेको बताएकी छिन् ।
उनले आफ्नो वालमा भारतिय अभिनेता अनुपम खेरसँग अभिनयको प्रशिक्षण लिएको कुरा उल्लेख गरेकी छिन् । साथै उनले मुम्बाईमा बसेर आफूले सिकेका कुराहरू नेपाल आएर आफूले अभिनय गर्ने चलचित्रमा प्रयोग गर्ने बताएकी छिन् । करिब दुई महिना मुम्बई बसाईको क्रममा आफू होस्टेल बसेको अनुभव भएको कुरा नायिका उषाले बताएकी छिन् ।
उषाले अभिनय प्रशिक्षण लिदैं गरेको थाहा पाएपछी उनको वालमा नायिका नन्दिता केसी सहितका केही शुभचिन्तकले उनलाई शुभकामना व्यक्त गरेका छन् । अभिनय प्रशिक्षण अन्तिम चरणमा पुगे पनि आफू नेपाल आउने या नआउने भन्ने कुरा उनले उल्लेख गरेकी छैनन् ।
प्राय नेपाली कलाकारहरू अमेरिका पलायन भईरहेको अवस्थामा कतै यि नायिका भने मुम्बई तिरै पलायन हुने हुन् की ?
