झण्डै एक दशकसम्म निरन्तर चलचित्र क्षेत्रमा हेयर डिजाईनर भएर काम गर्दै आएका डिजाईनर लोकेश थापा चलचित्र क्षेत्रबाट बाहिरिने तयारी गरिरहेका छन् ।
एक बर्षयता कुनै पनि चलचित्रमा काम नगरेका थापा हाल लिभिङ, फ्राईडे जस्ता म्याग्जीनमा अनुबन्धीत भएपछि उनी चलचित्र क्षेत्रमा फर्कने सम्भावना न्यून भएको हो । फिल्मीखबरसंग कुरा गर्दै थापाले यहिँ क्षेत्रले आफुलाई परिचित गराएको भएपनि अब भने चलचित्रमा काम गर्ने मनस्थिती खासै नभएको बताए ।
२०५६ सालमा चलचित्र 'त त साह्रै बिग्रिस नि बद्री' बाट आफ्नो काम सुरू गरेका डिजाईर थापा बिजय केरूङको चलचित्र 'बन्दी' मा आईपुग्दा दशक लामो पेशालाई पूर्णविराम लगाउने तयारी गरेका हुन ।
होचा कदका ३३ बर्षे थापाले करिश्मा मानन्धर, राजेश हमाल, विपना थापा र रेखा थापाले आफ्नो कामलाई धेरै मनपराउने गरेको बताए । मेकअप म्यान समेत रहेका लोकेश नायिका रेखा थापाको सबै भन्दा प्रिय पात्र पनि हुन । उनीहरू गएको दश बर्ष यता दाजु बहिनीको नाताले चिनिदै आएका छन् ।
काठमाण्डौको पूरानो बानेश्वरमा न्यू एन्जल ब्यूटि पार्लरसमेत खोलेका लोकेश ७० वटा भन्दा बढी चलचित्रमा हेयर डिजाईनर भएर काम गरिसकेका छन् ।
