चलचित्र प्रदर्शन पूर्व गरिने जाच पास प्रक्रिया झन्झटिलो विवाद यूक्त भएको भन्दै चलचित्रकर्मीहरूले सो प्रक्रिया पूर्ण रूपले खारेज हुनु पर्ने माग राखेका छन् ।
निर्देशकहरूको संस्था चलचित्र निर्देशक समाजले शुक्रबार राखेको अन्तक्रिया कार्याक्रममा निर्देशक यादव खरेल, केपी पाठक , नरेश पौडेल, सुरज सुब्बा, नवीन सुब्बा, निर्माता अशोक शर्मा लगायतका विभिन्न चलचित्रकर्मीहरूले चलचित्र बिकास बोर्ड समक्ष सेन्सर प्रक्रिया अन्त हुनु पर्ने माग राखेका हुन ।
पछिल्लो चरणमा चलचित्र जाँच पास समिति (सेन्सर बोर्ड) ले अन्तारष्ट्रिय नियमलाई उल्घन गर्दै चलचित्र महोत्सवमा हस्तक्षेप गरिरहेको प्रति उनीहरूले सवै भन्दा बढी आपत्ती जनाएका छन् । सेन्सर बोर्डले पछिल्ला चरणमा बर्ड फिल्म फियष्टा र मानावअधिकार चलचित्र महोत्सवलाई सेन्सरको विवाद निकाल्दै हस्तक्षेप गरेको थियो ।
यस्तै शुक्रबारको अन्तक्रिया कार्याक्रममा चलचित्रकर्मीहरूको गुनासो सुनिसकेपछी विकास बोर्ड अध्यक्ष अमर राज गिरिले यस सम्बन्धमा उठेका प्रश्न लाई सम्बन्धी मन्त्रालयसमक्ष पुर्याउने बचन दिएका छन् ।.jpg)
सेन्सरबोर्डको पछिल्लो क्रियाकलापले आफ्नो समेत बदनाम भएको भन्दै गिरिले यस्ता खाले विवाद अन्त्य भईछाड्ने अठोट समेत देखाएका छन् ।
नियमावली र ऐनमा चलचित्र सम्बन्धी विषयहरू आफैमा बाझिने खालको भएको भन्दै चलचित्रकर्मीहरूले आफ्ना प्रतिभा माथि बन्देज लगाउने कामको तुरून्त अन्त्य हुनु पर्ने आवाज उठाएका थिए ।
