आफ्नो नामको अगाडी डाक्टर लेख्न कि एमबिबिएस गर्नु पर्छ कि कुनै एक बिषयमा पिएचडी गर्नु पर्छ । तर नेपालका चर्चित्र कलाकार द्वय हरिबंश आचार्य र मदनकृष्ण श्रेष्ठले यि दुबै बिषयमा अध्ययन नगरी आफ्नो नामको अगाडी डाक्टर लेख्न पाउने भएका छन् ।
लामो समयदेखि कलाकारिता मार्फत समाजिक कार्यमा योगदान पुर्याएका मह जोडीलाई ग्रिनफोर्ड विश्वविद्यालयले मानार्थ विद्यावारिधिबाट सम्मानित गरेको छ । यो सम्मान सँगै अब उनीहरूले आफ्नो नामको अगाडी डाक्टर लेख्न पाउने छन् ।
सेन्ट्रल अमेरिका स्थित यो विश्वविद्यालयले सोमबार राजधानीमा आयोजना गरेको दीक्षान्त तथा वार्षिक समारोहमा मह जोडीलाई सम्मान गरेको हो । पहिलो पटक बिश्वको विश्वविद्यालयले यति ठूलो सम्मान दिएकोमा कलाकारद्वय आचार्य र श्रेष्ठ निकै खुसी भएका छन् ।
