पछिल्लो चरणमा नायिका रेजिना उप्रेतीले धमाधम नयाँ चलचित्रमा खेल्ने अबसर पाईराखेकी छिन् । १५ दिन अघि चलचित्र 'प्रेम बिवाह'मा मा अनुबन्धीत भएकी नायिका उप्रेतीले मंगलबारबाट पुनः अर्को चलचित्र 'महानता'मा अभिनय गर्ने मौका पाएकी छिन् ।
यि चलचित्र सँगै रेजिनाले शोभित बस्नेतको चलचित्र 'युवराज' र जय किशन बस्नेतको चलचित्र 'तँ त सार्है नै सप्रिस नि बद्री' मा अभिनय गर्दैछिन् । रेजिनाले ९ बर्षको अवधिमा पाँच दर्जन भन्दा बढी चलचित्रमा अभिनय गरिसकेकी छिन् ।
श्रीकृष्ण फिल्मस् एण्ड डान्स सेन्टर प्रा.लि तेस्रो प्रस्तुती रहेको सो चलचित्रको मंगलबार बिहान शुभ मुहुर्त गरिएको छ । राजेश हमाल, सुवास मेचे , रेजिना उप्रेती, रोहित कुमार तथा स्माइल श्रेष्ठको मुख्य भूमिकामा रहने सो चलचित्रका निर्देशक राजेन्द्र कुमार थापा हुन ।
श्रीकृष्ण डंगोलको प्रस्तुती रहेको सो चलचित्रमा सुर्य दयालुको संगीत, केशव अधिकारीको छायाकंन र कुमार श्रेष्ठको द्धन्द्ध रहने छ । यस्तै शुभ मुहुर्त समारोहमा महानता पछी अर्को चलचित्र 'धर्म वीर' पनि निर्माण गरिने घोषणा गरिएको छ ।
