२ घण्टा ५७ मिनेट लामो चलचित्र 'दीपशिखा' लाई अधिकाशं दर्शकले लामो भन्ने गुनासो ब्यक्त गरेपछी अन्तत् सो चलचित्रलाई आधा घण्टा छोट्याइने भएको छ ।
सो चलचित्रका निर्माता तथा निर्देशक नरेश पौड्यालका अनुसार 'लागिसकेको हलमा केही दिन रोकेर भएपनि चलचित्र छोट्याउने तयारी भइरहेको' फिल्मीखबरलाई जानकारी दिएका छन् । 
गएको भदौ २५ गते देखि देश व्यापी प्रदर्शनमा आएको सो चलचित्रलाई नायिका अरूणिमा लम्सालले लेखिकी हुन । चलचित्र लामो भएको कारणले विशेषत नाईट शो हेर्ने दर्शकको लागि आफ्नो चलचित्रले बढी असर पारेको निर्देशक पौड्यालको भनाई छ ।
मोफसलका हलहरूमा बेलुकीको शो हेर्न गएका दर्शकहरू अबेर राति सम्म बस्दा घर फर्कने समस्या भएको गुनासो आएपछी पौडेलले चलचित्र छोट्याउने मनस्तिथि बनाएका हुन । त्रिकोणात्मक प्रेम कथामा निर्माण गरिएको सो चलचित्रको प्रिमियरपछी नै धेरै चलचित्रकर्मीले नरेशलाई फिल्म लामो भएको प्रतिक्रिया दिएपछी उनले प्रदर्शनको सुरूवात देखिनै 'दीपशिखा' लाई छोट्याउने तयारी गरिरहेका थिए ।
विग प्रोजेक्टको भनिएको नरेशको दीपशिखा लामो भएकै कारण सन्तोष जनक ब्यापार गर्न नसकेको हो । एउटा गतिमा बगिरहेको चलचित्रलाई पुनः सम्पादन गरेर दर्शक सामु लैजादा कस्तो प्रतिक्रिया आउला त्यो भने नरेशको लागि पर्खाईको बिषय बन्न सक्छ ।
