चार बर्षको अन्तरालपछी तुलसी घिमिरेले निर्देशन गरेको चलचित्र 'देश'को बिहिबार बिहान प्रिमियर गरिएको छ ।
काठमाण्डौको कमलपोखरी स्थित कुमारी सिनेमा घरमा थोरै चलचित्रकर्मी र सञ्चारकर्मीको उपस्थितमा सो चलचित्रको प्रिमियर गरिएको हो । भोली शुक्रबारबाट उपत्यकाका १५ सिनेमा घरहरूमा प्रदर्शनमा आउन लागेको सो चलचित्रका प्रस्तुतकर्ता श्रवण घिमिरे हुन । 
श्रवणको यो ११औ चलचित्र हो । राजेश हमाल मुख्य पात्र रहेको यस चलचित्रमा हमालका अलवा निखिल उप्रेती, निरूता सिहँ, मिथिला शर्मा, श्रवण घिमिरे, मुकुन्द श्रेष्ठ, हेमन्त बुढाथोकी, लगायतको अभिनय रहेको छ ।
अजम्बरी फिल्मस् प्रालिको ब्यानरमा निर्माण गरिएको यस चलचित्र २ घण्टा २५ मिनेट लामो छ । चलचित्रमा शम्भुजीत बास्कोटाको संगीत, राजेन्द्र खड्गीको द्धन्द्ध, दिनेश अधिकारीको नृत्य तथा राजु थापाको छायाकंन रहेको छ ।
देश भक्तिको भावना युवामा हुनु पर्छ र भष्ट्रचार बन्द हडताल सधैका लागि अन्त्य गर्दै राष्ट्रको बागडोर युवाले सम्हाल्नु पर्छ भन्ने मुख्य सन्देश यस चलचित्रले दिन खोजेको छ
