तीन बर्षअगाडी 'मिसन पैसा' बाट डेब्यू गरेकी नायिका निशा अधिकारी आजबाट २४ बर्षकी भएकी छिन् । तिथिले घटस्थापनाको दिन उनको जन्मदिन परेपनि मितिका हिसावले आजकै दिन उनी जन्मिएकी हुन ।
गएका बर्षहरूमा आजकै दिन साथीभाईसँग बर्थडे पाटी मनाउने गरेकी निशाले यो बर्ष भने केही दिन पछी मात्र बर्थडे मनाउने तयारी गरेकी छिन् । लामो समय देखि अमेरिकामा रहेका आफ्नो दाई नेपाल आएपछी मात्र बर्थडे मनाउने तयारी रहेको निशाले बताईन् । उनका दाई दशैं मनाउन यहि असोज २९ गते नेपाल आउँदै छन् । 'त्यो बर्थडे पार्टी ठूलो हुने' उनको भनाई थियो ।
निशालाई सवै भन्दा पहिले उनको आमाले बर्थडे विस गरेकी थिइन् भने त्यसपछि अमेरिकामा रहेका दाईले उनलाई हृयाप्पी बर्थडे भन्दै कल गरेका थिए । ६ बर्ष अगाडी आशिष बाङदेलको 'आउदै छु...' नामक म्यूजिक भिडियोबाट सुरू भएको निशाको रंग करियरले उनलाई नायिका बनाएको हो ।
मिसन पैशा र नैना रेशम चलचित्रमा अभिनय गरेकी निशाको पछिल्लो चलचित्र 'फस्ट लभ'ले बक्स अफिसमा सर्वाधिक व्यापार गर्न सफल भएको थियो ।
आजबाट २४ औ बसन्तमा टेकेकी नायिका निशा अधिकारीलाई फिल्मीखबर डटकमको तर्फबाट जन्मदिनको शुभकामना ! यदि तपाई नायिका निशालाई जन्मदिनको शुभकामना दिन चाहनु हुन्छ भने तलको कमेन्ट बक्समा गएर शुभकामना सन्देश छाड्न सक्नु हुनेछ ।
