आगामी असोज २९ गते देखि देशव्यापी प्रदर्शनमा आउन लागेको चलचित्र 'कसले चोर्यो मेरो मन' को अडियो सिडी मंगलबारबाट बजारमा आएको छ ।
म्यूजिक डटकमले बजारमा ल्याएको सो सिडिमा जम्मा ५ गीत समावेश गरिएका छन् । नायिका रेखा थापाको पाचौं प्रोजेक्ट अन्तर्गतको सो चलचित्रको सिडीमा टाईटल गीत
कसले चोर्यो मेरो मन... मेल फिमेल तथा मेल सिङगल भर्सन सहित ए दिल..., जुन बेहुली बनेर..., थोरै मिठो-मिठो लाग्यो... तथा सानै कुरामा रिसाउने... जस्ता गीत रहेका छन् ।
प्रदर्शन अगावै कसले चोर्यो मेरो... भन्ने टाईटल गीत सर्वाधिक रूचाईएको गीत हो । सुरेश अधिकारीले संगीत भरेको ती गीतहरूलाई किरण खरेलले लेखेका हुन भने चलचित्रलाई सबिर श्रेष्ठले निर्देशन गरेका हुन् ।सिडीको मूल्य जम्मा १ सय ७५ रूपैया रहेको छ ।
