अरूको फिल्म खेल्दा त केही भएन नायिका रेखा थापालाई । निर्माताबाट पैसा लिईन, निर्देशकले भनेको खुरू खुरू मानिन् अनि चलचित्र प्रदर्शनको समयमा केही मिडियमा मार्फत मैले खेलेको चलचित्र हेर्दिनुस भन्ने औपचारिक आग्रह मात्र हुने गर्थ्यो रेखाको ।
तर आफै निर्माता भएर उनले पछिल्लो पटक ५ चलचित्र निर्माण गरिसकेकी छिन् । ४ चलचित्रले राम्रो ब्यापार गर्न सकेपनि ती चलचित्रको रिलिजको टाईममा उनलाई निकै तनाव हुने गर्थ्यो र त्यो तनाव पाँचौ प्रोजेक्ट कसले चोर्यो मेरो मन सम्म आईपुग्दा दिनको दुई गुणा र रातको चार गुणाले रेखाको मनमा बढिरहेको छ ।
करिब सयको संख्यामा उनले चलचित्र खेल्दा कुनै असर र तनाव झेल्नु परेन तर आफ्नै लगानी रहेको चलचित्रको प्रदर्शन मिति मुख-मुखमा आईपुग्दा उनी राम्रोसंग निदाउन सकेकी छैनन् र राम्रोसंग खान पनि । पाँचौ प्रोजक्ट कसले चोर्यो मेरो मनको रिलिजको टाईम मुखमा आएको बेला रेखाले भनिन् 'मलाई निकै छटपटी भईराछ ।' सो फिल्म पर्सी शुक्रबार अष्टमीको दिन देखी देशव्यापी प्रदर्शनमा आउदै छ ।
उनीमा देखिएको यो छटपटी आजको मात्र हैन रेखा फिल्मसको ब्यानरमा निर्माण भएका चलचित्रहरू अजम्बरी नाता, हिम्मत, किस्मत, हिफाजत र कसले चोर्यो मेरो मन सम्म आईपुग्दा उनी डराई रहेकी छिन् । कस्तो होला अबको चलचित्र ? दर्शकले रेखा फिल्मसको ब्यानरबाट राम्रो अपेक्षा राखेको भन्दै उनले भनिन् 'दर्शकले पहिलेका मेरा चलचित्र भन्दा अझ राम्रो चलचित्र म बाट आशा गरेका छन्, त्यसैले राम्रो चलचित्र दिनु मेरो कर्तव्य हो र चुनौती पनि ।'
स्कुले जीवनको सुरूवातामा जसरी उनी फष्ट विद्यार्थीबाट कमजोर हुदै थर्ड, फोर्थ, फिप्त भएकी थिइन् सोही कुरा सम्झदै उनले भनिन् चलचित्र बनाउन स्कुलको परीक्षा जस्तो हुदैन रहेछ ।
आफ्नो स्कुले जीवनलाई चलचित्रको प्रसङ्गसंग मिलाउदै उनले भनिन् 'मैले स्कुलको जस्तो नतिजा यहाँ दिनु हुदैन् ।' सुरूमा जस्तो चलचित्र बनाए दोस्रो तेस्रो र नयाँ चलचित्रको गुणस्तरतालाई अझ बृद्धी गर्नु मेरो कर्तव्य हो र त्यही अनुसार अगाडी बढाइ राछु ।
रेखालाई प्रदर्शनको अघिल्लो दिन सवै भन्दा धेरै तनाव हुदो रहेछ, त्यो रातमा उनलाई निद्रै लाग्दैन रे । चलचित्रको आखा अर्थात क्यामेरा पर्सन सञ्जय लामा र निर्देशक सविर श्रेष्ठलाई डेब्यू चान्स दिएकी रेखा किन डराई रहेकी छिन् त ? के नयाँ निर्देशक र क्यामेरा म्यान देखि डराउनु भएको हो भन्ने फिल्मीखबरको प्रश्नमा उनले जवाफ दिईन् "उनीहरूको कामसंग म एक प्रतिशत पनि डराएकी छैन ।" आफ्नो चलचित्र नराम्रो नभएको दाबी गर्दै उनले भनिन् "त्यही पनि रिलिजको छटपर्टाईले कता कता पिरोल्दो रहेछ ।"
