नेपाली रजतपटमा प्रवेश गरेको चार बर्ष भित्रै १७ वटा फिल्म खेलिसकेका नायक राजबल्लभ कोइराला पूरानो गेटअपमा आउने भएका छन् ।
चलचित्र 'पर्खिबसे' डेब्यू हिरो राज जसरी पर्दामा लामो कपाल सहित देखा परेका थिए अब पुनः त्यो लामो कपाललाई उनले निरन्तरता दिने बताएका छन् । एक महिना भन्दा बढी भयो उनले आफ्नो कपाल नकाटेको । किन नकाट्नु भएको भन्ने फिल्मीखबरको प्रश्नमा राज भन्छन् 'अब पुराने गेटअपमा आउन लागेको ।' 
केही महिना अघि किनेको सुजुकी कार अनुसार आफ्नो स्टयार्ण्डड बढाईरहेका राजले पर्खिबसे र दिवानापन पछी आफ्नो एक फिट लामो कपाल काटेका थिए । त्यसपछी कपाल काटेर गुरूदक्षिणामा अभिनय गरेका राजले लगत्तै छोडि गए पाप लाग्ला खेलेका थिए । उपत्यका बाहिर प्रदर्शन भईसकेको छोडि गए पाप लाग्लाको प्रदर्शन समयमा राजलाई छोटो कपालमा धेरैले चिनेका थिएनन् ।
विदेशीको जस्तो आफ्नो आँखा र लुक्स भएको भन्दै उनी भन्छन 'लामो कपाल मलाई सुहाउछ ।' रेडियोकर्मी, मोडल हुदै रजतपटमा शिक्षित नायकको परिचय बनाएका राज पुरानै गेटअपमा फर्किनुको राज के होला ?
