नेपाल समचारपत्रमा कार्यरत रंग पत्रकार विदुर गिरी मोटरसाइकल दुर्घटनामा परेका छन् ।
ढिलो गरी प्राप्त समाचार अनुसार गएको मंगलबार बेलुकी साढे ४ बजेको समयमा सोल्टीमोडमा रोकिराखेको बा .१८. प. ५६२४ नम्बरको उनको मोटरसाइकललाई तीब्र गतिमा पछाडीबाट आएको बा.१४ प. ५३३४ नम्बरको एफ जेट मोटरसाइकलले ठक्कर दिएको थियो । 
झण्डै दुई दशक यता रंगपत्रकारिता गरिरहेका गिरीको बाँया खुटा भाचिएको छ । जोरपाटी स्थित अर्थोपेडिक अस्पतालमा उपचारार्थ गिरीको बिहिबार शल्यक्रिया पनि गरिएको छ ।
शल्यक्रिया बुधबार गर्ने भनिएता पनि उनमा मधुमेह बढेकोले शल्यक्रिया बिहिबार मात्र गरिएको गिरीकी धर्मपत्नी गीता गिरीले जानकारी दिईन् । उनी केही दिनमा डिस्चार्ज हुने अस्पताल प्रशासनले जनाएको छ ।
फिल्मीखबर डटकम परिवार घाईते गिरीको सिघ्र स्वास्थ्य लाभको कामना गर्दछ ।
