गएको बुधबारदेखि छायाकंन समाप्त भएको चलचित्र मालतीको भट्टीको सम्पादन कार्य सुरू गरिएको छ ।
काबिल फिल्मसको लागि ब्रदर्श इन्टरटेन्मेटको प्रस्तुती रहेको सो चलचित्रको सम्पादन राजधानीको लाजिम्पाट स्थित र्साईलेन्स स्टूडियोमा सुरू गरिएको प्रस्तुतकर्ता प्रदिप कुमार उदयले जानकारी दिएका छन् ।
नव निर्देशक गणेश देव पाण्डेले निर्देशन गरेको सो चलचित्रमा नायक जीवन लुइटेल, रेखा थापा तथा नन्दिता केसी तथा प्रमुख भूमिकामा छन् । चलचित्रकको कथा शिर्षक अनुसार रक्सी भट्टी साहुनी र त्यसबाट पर्ने सकारात्मक र नकारात्मक असरको पेरिफेरिमा घुमेको बताईएको छ ।
आयुव केसीको समेत भूमिका रहेको सो चलचित्रको छायाकंन गएको भदौ २८ गते देखि सुरू गरिएको थियो ।
