कम्मरमा केही गडबडी देखिएपछी नौ दिन अघि अस्पताल भर्ना भएका रंग पत्रकार अनन्त वाग्लेको स्पाईनलकर्डमा समस्या देखिएको छ ।

दुई दशक यता निरन्तर रंगपत्रकारिता गरिरहेका वाग्लेको काठमाण्डौ  बासबारी स्थित  वेलनेश अस्पतालमा उपचार भईरहेको छ । सिल्प डेस्का विरामी वाग्लेको नशा च्यापिएको कारण उनको देब्रे खुट्टा चल्न सकेको छैन् ।

वाग्लेलाई प्रत्येक दिन डा. जनक बस्नेतको टोलीले बिहान ८ बजे देखि १ बजे सम्म उपचार गरिरहेको छ । अझ थप केहि दिन उपचार गर्ने र निको हुने छाँट नदेखिएमा अप्रेशन नै गर्नुपर्ने वाग्लेले बताए ।
 

२०४८ सालबाट रंग पत्रकारिता सुरू गरेका ३७ बर्षे वाग्ले विगत ९ बर्षदेखि  दैनिक पत्रिका अन्नपूर्ण  पोष्टमा कार्यरत छन् । शरिरमा देखिएको समस्याको कारण अस्पताल भर्ना भएका वाग्लेप्रति  फिल्मीखबर परिवार सिघ्र स्वाथ्य लाभको कामना गर्दछ ।